ضرورة إننا نعمل دعاية واعلان للشركات
سؤال : إيه لازمتها إننا نعمل دعاية واعلان ؟
جواب : هشرح لكم دلوقتي وهتعرفوا إيه لازمتها إننا نعمل دعاية واعلان
الاعلان هو نشاط اعلامي مهم جداً لأي نشاط اقتصادي ( تجاري أو صناعي أو خدمات ) حتى الأنشطة الخيرية بتحتاج يتعملها دعاية واعلان عشان يتم دعمها
يعني لو عندك مصنع أو شركة أو محل أو جمعية …. الخ وبتقدم منتج أو خدمة ضروري جداً يتعملها دعاية واعلان وعشان التوضيح لو شركة عملت منتج وصرفت على المنتج ده مبالغ ضخمة جداً عشان يكون بجودة عالية وبعدين معملتش أي نوع من الدعاية للمنتج أو لخدمات الشركة من الطبيعي أن الشركة هتخسر لأن مفيش حد عرف أي حاجة عنها أو عن منتجاتها فنلاقي مثلا شركات تصرف ملايين على عمل دعاية واعلانات فتعمل اعلانات في التليفزيون واعلانات في الراديو و اعلانات طرق و اعلانات في الجرايد و حملات اعلانية على الانترنت زي شركات الأتصالات الثلاثة (اتصالات و موبينيل وفودافون ) وبرضه مستشفى السرطان وجمعية الأورمان حتى المحلات الصغيرة في الشوارع بتعمل لنفسها دعاية بتطبع بانر وتعلقه أو ورق مطبوع وتلصقه واليفط كمان اللي بتعملها لنفسها وبتركبها على واجهة المحل
سؤال : ياترى إيه أنواع الاعلانات ؟
جواب : أنواع الاعلانات كتيرة وبتتطور كل يوم يعني ممكن فكرة اعلان بسيطة تنجح وتكسر الدنيا زي
الاعلانات المطبوعة : يعني الشركة تنزل اعلان لها في الصحف أو المجلات أو الملصقات اللي بتلصقها في الشارع
الاعلانات الخارجية : ودي اعلانات الطرق والشركات بتقوم بتأجير يفط على الطرق أو على أسطح العمارات أواعلانات على الأتوبيسات
الاعلانات المسموعة : وهي اعلانات الراديو ودي بتحتاج انتاج الاعلان يعني تسجيل وتجهيز الاعلان وبعدين حجز البث في إذاعة معينة أو بثه على أكتر من إذاعة
الاعلانات المرئية والمسموعة : وهي الاعلانات في التليفزيون وبرضه بتحتاج لانتاج يعني تصوير وتسجيل الاعلان وبعدين بثه على القنوات التليفزيونية
الاعلانات على الانترنت :ودي ظهرت مع التطور اللي بيحصل وزيادة عدد الأشخاص اللي يستخدموا الانترنت و الإعلانات على الانترنت أصبحت مهمة جدا لان مستخدمين الانترنت ملايين وكمان تكلفته أرخص من اعلانات الراديو واعلانات التليفزيون عشان كده الشركات بتعمل للاعلان عن خدماتها ومنتجاتها التسويق الالكتروني زي حملات على جوجل أدوردز والفيسبوك والمواقع الإعلانية المهمة زي مصراوي وغيرها من المواقع
اعلانات الموبايل : ودي رسائل دعائية كلنا أكيد بتجيلنا على الموبايلات زي الرسائل اللي بتبعتها شركات الاتصالات (موبينيل وفودافون واتصالات)
أظن كده عرفنا أهمية إننا نعمل دعاية و اعلان
propaganda|ads|adv|advertising|دعاية واعلان|شركة دعاية واعلان|سؤال عن دعاية واعلان|عمل دعاية واعلان
اسماء شركات دعاية واعلان فى القاهرة والمحافظات
كروت بلاستيك اي دي ( ID ) :: بطاقات الهوية
